ਬੇਬੀਲੋਨ ਪੁਰਾਤਨ ਮੈਸੋਪੋਟਾਮੀਆ ਦਾ ਇੱਕ ਮਹੱਤਵਪੂਰਨ ਸ਼ਹਿਰ ਸੀ। ਇਹ ਦਜਲਾ ਦਰਿਆ ਅਤੇ ਫ਼ਰਾਤ ਦਰਿਆ ਦੇ ਉਪਜਾਊ ਮੈਦਾਨ ਵਿਚਕਾਰ ਸਥਿਤ ਹੈ। ਇਹ ਸ਼ਹਿਰ ਫ਼ਰਾਤ ਦਰਿਆ ਦੇ ਕੰਢੇ ਤੇ ਵਸਾਇਆ ਗਇਆ ਸੀ ਅਤੇ ਇਸਨੂੰ ਇਸ ਦੇ ਸੱਜੇ ਅਤੇ ਖੱਬੇ ਕੰਢਿਆਂ ਦੇ ਨਾਲ ਬਰਾਬਰ ਹਿੱਸੇ ਵਿੱਚ ਵੰਡਿਆ ਗਇਆ ਸੀ। ਹੁਣ ਇਸ ਸ਼ਹਿਰ ਦੀ ਰਹਿੰਦ-ਖੂਹੰਦ ਇਰਾਕ ਵਿੱਚ, ਬਗਦਾਦ ਤੋਂ 85 ਕਿਲੋਮੀਟਰ ਦੱਖਣ ਵੱਲ, ਮਿਲਦੀ ਹੈ।
ਬੇਬੀਲੋਨ ਲਗਭਗ 2300 ਈਪੂ. ਵਿੱਚ ਅਕਾਦੀਅਨ ਸਾਮਰਾਜ ਦਾ ਇੱਕ ਛੋਟਾ ਸਮੀਤੀ ਅਕਾਦੀਅਨ ਸ਼ਹਿਰ ਸੀ। ਇਸ ਸ਼ਹਿਰ ਨੇ 1893 ਈਪੂ. ਵਿੱਚ ਆਇਮੋਰੇਟ, ਪਹਿਲੇ ਬੇਬਿਲੋਨੀਅਨ ਵੰਸ਼, ਦੇ ਇਸ ਸ਼ਹਿਰ ਤੇ ਕਬਜ਼ੇ ਤੋਂ ਬਾਅਦ ਇੱਕ ਰਾਜ-ਸ਼ਹਿਰ ਦੇ ਰੂਪ ਵਿੱਚ ਆਜ਼ਾਦੀ ਹਾਸਿਲ ਕੀਤੀ।