ਰੀਏਨੇ ਸੋਫੀਆ ਰਾਸ਼ਟਰੀ ਕਲਾ ਕੇਂਦਰ ਅਜਾਇਬਘਰ 20ਵੀਂ ਸਦੀ ਦੀ ਕਲਾ ਨਾਲ ਸੰਬੰਧਿਤ ਸਪੇਨ ਦਾ ਰਾਸ਼ਟਰੀ ਅਜਾਇਬਘਰ ਹੈ। 1978 ਵਿੱਚ ਇਸਨੂੰ ਬੀਏਨ ਦੇ ਇੰਤੇਰੇਸ ਕੁਲਤੂਰਾਲ ਘੋਸ਼ਿਤ ਕੀਤਾ ਗਿਆ। ਇਸ ਦਾ ਉਦਘਾਟਨ 10 ਸਤੰਬਰ 1992 ਨੂੰ ਕੀਤਾ ਗਿਆ ਅਤੇ ਇਸ ਦਾ ਨਾਂ ਰਾਣੀ ਸੋਫੀਆ ਦੇ ਨਾਂ ਉੱਤੇ ਰੱਖਿਆ ਗਿਆ।
ਇਹ ਅਜਾਇਬਘਰ ਖਾਸ ਤੌਰ ਉੱਤੇ ਸਪੇਨੀ ਕਲਾ ਨੂੰ ਸਮਰਪਿਤ ਹੈ। ਇਸ ਅਜਾਇਬਘਰ ਵਿੱਚ ਮਹਾਨ ਸਪੇਨੀ ਕਲਾਕਾਰ ਪਾਬਲੋ ਪਿਕਾਸੋ ਅਤੇ ਸਾਲਵਾਦੋਰ ਦਾਲੀ ਦੇ ਬਣਾਏ ਕਈ ਚਿੱਤਰ ਮੌਜੂਦ ਹਨ। ਇਸ ਦੀ ਸਭ ਤੋਂ ਮਸ਼ਹੂਰ ਤਸਵੀਰ ਪਾਬਲੋ ਪਿਕਾਸੋ ਦੁਆਰਾ ਬਣਾਈ ਗੁਏਰਨੀਕਾ ਹੈ।
ਅਜਾਇਬ-ਘਰ ਦੀ ਕੇਂਦਰੀ ਇਮਾਰਤ 18ਵੀਂ ਸਦੀ ਵਿੱਚ ਇੱਕ ਹਸਪਤਾਲ ਸੀ।
ਇਹ ਇਮਾਰਤ ਇੱਕ ਕਲਾ ਕੇਂਦਰ ਵਜੋਂ 1986 ਤੋਂ ਕੰਮ ਕਰ ਰਹੀ ਹੈ ਪਰ 1988 ਵਿੱਚ ਇਸਨੂੰ ਰੀਏਨੇ ਸੋਫੀਆ ਰਾਸ਼ਟਰੀ ਕਲਾ ਕੇਂਦਰ ਅਜਾਇਬਘਰ ਵਜੋਂ ਸਥਾਪਿਤ ਕੀਤਾ ਗਿਆ।