ਪਾਲੇਂਕੇ (ਸਪੇਨੀ ਉਚਾਰਨ: ], ਯੂਕਾਟੇਕ ਮਾਇਆ: ਬਾਕ' ) ਇੱਕ ਮਾਇਆ ਸ਼ਹਿਰ ਸੀ ਜੋ 7ਵੀਂ ਸਦੀ ਵਿੱਚ ਦੱਖਣੀ ਮੈਕਸੀਕੋ ਵਿੱਚ ਆਪਣੇ ਸਿਖ਼ਰ ਉੱਤੇ ਸੀ। ਪਾਲੇਂਕੇ ਦੇ ਖੰਡਰ 226 ਈਸਵੀ ਪੂਰਵ ਦੇ ਆਸ ਪਾਸ ਤੋਂ ਲੈਕੇ 799 ਈਸਵੀ ਤੱਕ ਦੇ ਮਿਲਦੇ ਹਨ। ਇਸ ਦੇ ਪਤਨ ਤੋਂ ਬਾਅਦ ਇਸਨੂੰ ਜੰਗਲ ਨੇ ਆਪਣੇ ਵਿੱਚ ਸਮਾ ਲਿਆ। ਇਸ ਵੇਲੇ ਇਹ ਇੱਕ ਮਸ਼ਹੂਰ ਪੁਰਾਤਨ ਸਥਾਨ ਹੈ ਅਤੇ ਹਜ਼ਾਰਾਂ ਸੈਲਾਨੀ ਹਰ ਸਾਲ ਇੱਥੇ ਆਉਂਦੇ ਹਨ। ਇਹ ਮੈਕਸੀਕੋ ਦੇ ਚੀਆਪਾਸ ਸੂਬੇ ਵਿੱਚ ਉਸਮਾਸੀਂਤਾ ਨਦੀ ਦੇ ਨੇੜੇ ਅਤੇ ਕਾਰਮੇਨ ਸ਼ਹਿਰ ਤੋਂ 130 ਕਿਲੋਮੀਟਰ ਦੀ ਦੂਰੀ ਉੱਤੇ ਸਥਿਤ ਹੈ।
ਸ਼ਿਲਾਲੇਖ ਮੰਦਰ ਦੀ ਉਸਾਰੀ 675 ਦੇ ਆਸ ਪਾਸ ਅੰਤਿਮ ਸੰਸਕਾਰ ਸੰਬੰਧੀ ਇਮਾਰਤ ਦੇ ਤੌਰ ਉੱਤੇ ਕੀਤੀ ਗਈ। ਇਸ ਦੀ ਇਮਾਰਤ ਵਿੱਚ ਮਾਇਆ ਸੰਸਾਰ ਦੀ ਦੂਜੀ ਸਭ ਤੋਂ ਵੱਡੀ ਹੇਰੋਗਲਿਫ਼ ਲਿਖਤ ਹੈ। ਇਸ ਮੰਦਰ ਵਿੱਚ ਸ਼ਹਿਰ ਦੇ 180 ਸਾਲਾਂ ਦਾ ਇਤਿਹਾਸ ਹੈ।
ਇਹ ਪਿਰਾਮਿਡ 60 ਮੀਟਰ ਚੌੜਾ, 42.5 ਮੀਟਰ ਲੰਬਾ ਅਤੇ 27.2 ਮੀਟਰ ਲੰਬਾ ਹੈ।
ਕਰੌਸ ਮੰਦਰ, ਸੂਰਜ ਵਾਲਾ ਮੰਦਰ ਅਤੇ ਪੱਤਿਆਂ ਵਾਲਾ ਕਰੌਸ ਮੰਦਰ ਪਿਰਾਮਿਡਜ਼ ਦੇ ਉੱਤੇ ਬਣਾਏ ਮੰਦਰਾਂ ਦਾ ਇੱਕ ਸਮੂਹ ਹੈ। ਇਹ ਪਾਲੇਂਕੇ ਵਿੱਚ ਸਭ ਤੋਂ ਮਹੱਤਵਪੂਰਨ ਪਿਰਾਮਿਡ ਸਮੂਹ ਮੰਨਿਆ ਜਾਂਦਾ ਹੈ।