ਤੀਏਦੇ ਕੌਮੀ ਪਾਰਕ ਸਪੇਨ ਦੇ ਕੇਨਰੀ ਦੀਪਸਮੂਹ ਵਿੱਚ ਤੇਨੇਰੀਫ਼ ਵਿੱਚ ਸਥਿਤ ਇੱਕ ਪਾਰਕ ਹੈ। ਇਹ ਤੇਏਦੇ ਪਹਾੜੀ ਉੱਤੇ ਸਥਿਤ ਹੈ। 22 ਜਨਵਰੀ 1954ਈ. ਵਿੱਚ ਇਸਨੂੰ ਇੱਕ ਕੌਮੀਂ ਪਾਰਕ ਐਲਾਨਿਆ ਗਇਆ। ਇਹ ਸਪੇਨ ਦਾ ਸਭ ਤੋਂ ਵੱਡਾ ਤੇ ਕੇਨਰੀ ਦੀਪਸਮੂਹ ਦਾ ਮਹਤਵਪੂਰਣ ਪਾਰਕ ਹੈ। ਇਸ ਵਿੱਚ ਜੁਆਲਾਮੁਖੀ ਵੀ ਮੌਜੂਦ ਹਨ। ਪੀਕੋ ਵੀਜੋ ਇਸਦਾ ਦੂਜਾ ਵੱਡਾ ਜੁਆਲਾਮੁਖੀ ਹੈ, ਇਸਦੀ ਉੱਚਾਈ 3135 ਮੀਟਰ ਹੈ। ਇਸ ਪਾਰਕ ਦਾ ਕੁੱਲ ਖੇਤਰਫਲ 18990 ਹੇਕਟੇਅਰ ਹੈ।
29 ਜੂਨ 2007 ਵਿੱਚ ਇਸਨੂੰ ਯੂਨੇਸਕੋ ਨੇ ਵਿਸ਼ਵ ਵਿਰਾਸਤ ਟਿਕਾਣਿਆਂ ਵਿੱਚ ਸ਼ਾਮਿਲ ਕੀਤਾ। ਤੀਈਦੇ ਸਪੇਨ ਵਿੱਚ ਸੈਲਾਨੀਆਂ ਦੁਆਰਾ ਸਭ ਤੋਂ ਵੱਧ ਦੇਖਿਆ ਜਾਣ ਵਾਲਾ ਪਾਰਕ ਹੈ। ਇੰਸਤੀਟੂਟੋ ਕਾਨਾਰਿਓ ਦੇ ਏਸਤਾਦਿਸਤੀਕਾ (Instituto Canario de Estadística) ਅਨੁਸਾਰ ਇੱਥੇ ਲਗਭਗ ਇੱਕ ਸਾਲ ਵਿੱਚ 2.8 ਲੱਖ ਸੈਲਾਨੀ ਆਉਂਦੇ ਹਨ। ਇਹ ਪਾਰਕ ਆਪਣੇ ਕੁਦਰਤੀ ਵਾਤਾਵਰਣ ਲਈ ਮਸ਼ਹੂਰ ਹੈ।
ਇਸ ਪਾਰਕ ਦੀ ਇਤਿਹਾਸਿਕ ਮਹੱਤਤਾ ਬਹੁਤ ਜਿਆਦਾ ਹੈ । ਇਸ ਪਾਰਕ ਦਾ ਇੱਥੋਂ ਦੇ ਮੂਲਵਾਸੀ ਗੁਆਂਚੇਸ ਉੱਤੇ ਅਧਿਆਤਮਿਕ ਤੌਰ ਤੇ ਬਹੁਤ ਪ੍ਰਭਾਵ ਰਿਹਾ ਹੈ। ਇੱਥੇ ਪੁਰਾਤਨ ਕਾਲ ਦੇ ਬਹੁਤ ਸਬੂਤ ਮਿਲਦੇ ਹਨ। ਇੱਥੇ ਕਈ ਖੁਦਾਈਆਨ ਹੋਈਆਂ ਹਨ। 1981 ਵਿੱਚ ਪਾਰਕ ਨੂੰ ਸਪੇਨ ਸਰਕਾਰ ਨੇ ਹੋਰ ਵਧਾਇਆ ਅਤੇ ਇਸਨੂੰ ਕਈ ਅਧਿਕਾਰ ਦਿੱਤੇ।