ਅਰਕੀ ਦਾ ਕਿਲਾ,ਹਿਮਾਚਲ ਪ੍ਰਦੇਸ ਦੇ ਅਰਕੀ, ਭਾਰਤ ਕਸਬੇ ਵਿਖੇ ਸਥਿਤ ਹੈ। ਅਰਕੀ ਦਾ ਕਿਲਾ ਰਾਣਾ ਪ੍ਰਿਥਵੀ ਸਿੰਘ,ਜੋ ਰਾਣਾ ਸਾਭਾ ਚੰਦ ਦੇ ਉਤਰਾਧਿਕਾਰੀ ਸਨ, ਨੇ 1695-1700 ਦੇ ਸਮੇਂ ਦੌਰਾਨ ਬਣਾਇਆ। ਇਹ ਕਿਲਾ 1806 ਵਿੱਚ ਗੋਰਖਿਆਂ ਨੇ ਕਬਜੇ ਵਿੱਚ ਲੈ ਲਿਆ ਸੀ। ਰਾਣਾ ਜਗਤ ਸਿੰਘ ਜੋ ਬਾਘਲ ਰਿਆਸਤ ਦੇ ਹੁਕਮਰਾਨ ਸਨ, ਨੂੰ ਨਾਲਾਗੜ੍ਹ ਵਿਖੇ ਸ਼ਰਣ ਲੈਣੀ ਪਈ ਸੀ । 1806-1815 ਦੇ ਸਮੇਂ ਦੌਰਾਨ, ਗੋਰਖਾ ਜਨਰਲ ਅਮਰ ਸਿੰਘ ਥਾਪਾ ਨੇ ਅਰਕੀ ਨੂੰ ਹਿਮਾਚਲ ਪ੍ਰਦੇਸ਼ ਦੇ ਕਾਂਗੜਾ ਖੇਤਰ ਤੱਕ ਪੈਰ ਪਸਾਰਨ ਲਈ ਮਜਬੂਤ ਗੜ੍ਹ ਵਜੋਂ ਵਰਤਿਆ। ਅਰਕੀ ਪਹਾੜੀ ਰਿਆਸਤ ਬਾਘਲ,ਦੀ ਰਾਜਧਾਨੀ ਸੀ। ਇਹ ਰਿਆਸਤ ਰਾਜਾ ਅਜੇ ਦੇਵ ਸਿੰਘ, ਪਨਵਰ ਰਾਜਪੂਤ ਨੇ ਸਥਾਪਤ ਕੀਤੀ ਸੀ । ਇਹ ਰਿਆਸਤ 1643 ਵਿੱਚ ਸਥਾਪਤ ਕੀਤੀ ਗਈ ਸੀ ਅਤੇ ਅਰਕੀ ਨੂੰ ਰਾਜਾ ਸਾਭਾ ਵੱਲੋਂ 1650 ਵਿੱਚ ਰਾਜਧਾਨੀ ਬਣਾਇਆ ਗਿਆ ਸੀ।